دون ريتشي الإنسان
الراجل اللي في الصورة ده أسمه دون ريتشي مات في سنة 2012 ..
أخترع إيه ولا اكتشف إيه ولا كتب ولارسم ولاعزف إيه؟!
الأجابة : ولا حاجة !!
أعلى حاجة في تاريخه المهني إنه كان مجند في بحرية أستراليا في الحرب العالمية التانية .. جندي عادي يعني
لاكان رتبة ولاحاجة ..
بعد الحرب أشتغل في مبيعات شركات التأمين ..
سيرته عادية جدا .. لحد هنا
لكن في 2006 رئيسة وزراء بلده قدمت له وسام الدولة الأسترالية .. ليه بقي ؟!
دون ريتشي كان ساكن على حتة اسمها (الهوة أو الجرف)
الجرف ده مكان مشهور قوي لمحاولات الأنتحار ..
(لأن الارض تصبح منحدرة فجأة) .. لدرجة إن المكان وضع فيه كاميرات مراقبة كمحاولة للحد من ظاهرةالانتحار ..
بداية من 1964 .. قرر دون ريتشي في إستثمار وقته في أنه يتابع البحر ..
أول ما يلاحظ حد ناوي ينتحر .. يقوم بهدوء يعدي الشارع .. ويتكلم مع الإنسان اللي الدنيا قفلت في وشه ده .. يفتح الكلام معاه بـ
"تحب أساعدك بحاجة؟" ويقنعه يرجع معاه البيت يشربوا حاجة سوا ويتكلموا ويدردشوا مع بعض ..
في بعض الأحيان كان بيضطر إنه يتدخل بشكل مباشر بأنه يكتف ويشيل المقدم على الأنتحار بعيد عن الجرف .. علشان يكسب معاه شوية وقت لإعادة التفكير في قرار الأنتحار ..
فالشخص يبدأ يفكر ويغير رأية وماينتحرش.
Don Ritchie
لم ينقذ عشرة ولا عشرين من وحل اليأس والأنتحار ..
العدد الرسمي للحالات الموثقة المتسجلة .. إنه أنقذحياة 160 إنسان .. وكتير منهم رجعوا له بعد سنين يشكروه على اللي عمله معاهم ..
زوجته وبناته بيقولوا إن العدد في حدود الـ 400 كمان ..
لما كان دون ريتشي بيتسأل عن اللي بيعمله ..
كان يقول ببساطة :
لأنه ما ينفعش تقعد تتفرج وأنت شايف الناس بتموت ..
هو ده اللي لحياته معنى حقيقي ..
كمان كل حد فينا في مجاله ومكانه .. ما ينفعش نقعد نتفرج وإحنا شايفين الناس بتموت
روحيا.. نفسياً .. وجسديا
لا تمنع الخير عن أهله حين يكون في طاقة يدك أن تفعله
حد عن الشر وأصنع الخير .. أطلب السلامة وأسع وراءها
رد مع اقتباس