المسيح هو هو امس واليوم والى الابد
اليوم بتارخ19/2/2015 تم دخولى الاستقبال لاستكمال الفحوص الخاصة بالقلب حسب الكشف الطبى فى مصر فى مستشفى سانت ماريا بتاريخ 24و26فى يناير 2015وجدوا من خلال التحاليل ورسم القلب باننى محتاح الى دعامة او عملية استكشاف هل الشرايين مسدودة من عدمة واعطونى علاج موقت لحين سفرى.و بتارخ10/2/2015 سافرت من القاهرة الى فرانكفورت حدث لى فى الطيارة اختناق وتم اسعافى بانبوتين من الاكسجين حتى استطيع التواصل فى السفر وفى مطار فرانكفورت تم حجزى فى المستشفى لخطورة حالتى الصحية فعلا وصلت المستشفى وتم عمل الفحوص الخاصة وجدوا ذبحة حدثت لى وانا فوق الطائرة وقالوا لابد من عملية جراحية لاستكشاف فى اى شريان مسدود واتفق معايا الطبيب المعالح على ان يفتح فى فى ايدى او رجلى حتى يعرف مكان الانسداد وافقت بس صليت قلت يارب انا فى ارض غريبة ماحدش من اهلى ولا اقربائى او اصدقائى معايا ورنمت ترنيمة انا عازوك انت يا صاحب القوات تشغل يمينك تعمل المعجزة ورنمت عددين فقط انت عارف ظروفى والعدد الثانى الاطياء احتارة وريهم ايديك ونمت وتم ايقاظى لعمل تحاليل تانى وكانت المفاجئة ان الطبيب خبرنى انت تقدر تكمل رحلتك وتسافر الان لان لايوجد اى خطورة والتحليل بتقول انك سليم فللتاكيد عملوا تحاليل ثالث وجد الطبيب المعالج باننى سليم واخدوا التذكرة واتصلوا بشركة الطيران وحجزوا على يوم الجمعة وقالوا تدفع300 يوروا صليت قلت يارب انا ما عنديش فلوس هروح فين وكلمت الطبيب هو لبنانى المانى قلتلة ماعندى فلوس هروح فين قلى ما تقلقش وكلم ادارة المستشفى على اساس اتحجز كمريض قلب وعملوا خمس تحاليل وفى النهاية تركت السرير واتجهت علشان اكلم بنتى تعمل اى شى وتقدم التذكرة وفعلا اتصلت بشركة الطيران وحجزت على يوم الاربعاء11/2 وانتظرت فى الستشفى لان لا يوجد لدى اى فلوس اتجة الى المطار فى النهاية خليت حد يتصل بالبوليس وشرحت لة حالتى وفعلا اخدنى البوليس الى المطار ووصلت الساعة1.10 فجرا وانتظرت حتى الساعة السادسة صباحا لفتح شباك الحجز وعندما قدمت لهم تقرير المستشفى تم اعفائى من 300 يوروا والعجيب عندما اقلعت الطيارة من فرانكفورت متجهه الى سان فرانسسكوا الرحلة حوالى12.7 ساعة الرب اعطانى نوم هادى حتى وصلت بالسلامة واكملت رحلتى حتى وصلت الى بيتى بالسلامة.
احبائى كانت هناك ا صوات ملحة ان اتجة الى المستشفى هنا فى سكرمنتوا حتى استكمل التحاليل وفعلا بعد وصولى بتسع ايام اتجهت بتارثخ19/2 وفعلا تم حجزى وعملوا الفحوص وقالوا فى عضلة فى القلب بتنزل سائل هى اللى عاملة لك المشاكل لابد ان نعمل عملية استكشاف فى اعلى رجلى وافقت وعملوا تحاليل تانى الاطباء محتارين والمهم بتاريخ20/2 اليوم تم عمل عملية الاستكشاف رنمت نفس الترنيمة انا عاوزك انت ياصاحب القوات تشغل يمينك وتعمل المعجزة رنمت نفس العددين الاطباء احتاروا وانت عارف ظروفى وتمت اجراء العملية فوجئت الاطباء يقولوا لى مبروك كل الشرايين سليمة من يقول معايا هللويا سبق قلت للاطباء انا مومن ان الرب لمسنى قالوا حلو انك تكون متفائل. احبائى الهنا هو هو امس واليوم والى الابد لا يتغير ابد
القس جاداللة